Суроо-жооп

Ооба. ОСАГО полиси жок унаа айдоо КР мыйзамдары менен тыюу салынган.

Ээсинин паспорту, унаанын техникалык паспорту жана айдоочулук күбөлүк.

ЖКККБны чакырыңыз, жагдайды белгилеңиз жана 3 жумушчу күндүн ичинде МКУга кабарлаңыз.

Жеңил унаа үчүн — 1 680 сомдон, жүк ташуучу унаа үчүн — 2 900 сомдон. Тариф унаанын түрүнө, кыймылдаткычтын көлөмүнө жана айдоочунун стажына жараша аныкталат; так сумманы ОСАГО баракчасындагы калькулятор көрсөтөт.

Полистин стандарттык мөөнөтү — бир жыл. Айрым учурларда (мисалы, транзиттик кыймыл же унааны убактылуу алып келүү) кыска мөөнөттүү келишим түзүлүшү мүмкүн — 61-00-00 номери боюнча тактаңыз.

ОСАГО сиз үчүнчү жактарга — алардын өмүрүнө, ден соолугуна жана мүлкүнө — келтирген зыянды жабат. Өз унааңыздын бузулушу полиске кирбейт — ал үчүн КАСКО же КАСКО-Эконом каралган.

Полис унаага таризделет. Эгерде келишим айдоочулардын санын чектөөсүз түзүлсө, ал мыйзамдуу негизде айдоого уруксат берилген каалаган адам үчүн жарактуу. Айдоочулардын тизмеси чектелген болсо, камсыздандыруу келишимде көрсөтүлгөн адамдарга гана жайылтылат.

Паспортуңуз менен ГСОнун каалаган филиалына кайрылыңыз же 61-00-00 номерине чалыңыз — сизге дубликат берилет. Электрондук полис online.gso.kg сайтындагы жеке кабинетте дайыма жеткиликтүү.

Бул тууралуу ГСОго билдирип, арыз бериңиз: келишимди мөөнөтүнөн мурда бузууга же жаңы ээсине кайра тариздөөгө болот. Сыйакынын бир бөлүгүн кайтаруу тартиби келишимдин шарттары жана КРдин мыйзамдары менен аныкталат.

Жок, полис Кыргыз Республикасынын аймагында гана жарактуу. Чет өлкөгө сапар үчүн барган өлкөдө жарактуу камсыздандыруу керек — мүмкүн болгон варианттарды 61-00-00 номери боюнча тактаңыз.

Жарандардын менчигиндеги турак үйлөр жана батирлер милдеттүү камсыздандырууга жатат.

Тариф турак жайдын түрүнө жана аймакка жараша болот.

Шаарларда — жылына 1 200 сомдон, айылдарда — 600 сомдон. Камсыздандыруу суммасы туруктуу — 1 000 000 сом, 2 % франшиза колдонулат. Айрым категориядагы жарандарга жеңилдиктер каралган.

Полис өрттү, түтүндү жана өчүрүүнүн кесепеттерин, ошондой эле табигый кырсыктарды жабат: 6 баллдан жогору жер титирөө, сел, ташкын, көчкү, жер көчкү, таш кулоо, 25 м/с ашкан катуу шамал, узакка созулган бороон, 20 мм ашкан мөндүр жана чагылган. Мамлекеттик органдын чечими боюнча мүлктү коопсуз аймакка көчүрүү да камтылат.

Ээсинин паспорту жана турак жайга укук берүүчү документ: техпаспорт, айыл өкмөтүнүн маалымкаты, сатып алуу-сатуу келишими, инвентардык номер же кадастрдык план.

Продукт баракчасында камсыздандыруу мөөнөтүн жана ээсинин маалыматтарын көрсөтүп, турак жай тууралуу маалыматты кошуңуз, электрондук идентификациядан өтүп, документтерге кол коюңуз жана сыйакыны төлөңүз. Полис электрондук түрдө келет.

Турак жайды милдеттүү камсыздандыруу КРдин 2015-жылдын 31-июлундагы № 209 Мыйзамы (өзгөртүүлөрү менен) жана Министрлер Кабинетинин 2023-жылдын 13-сентябрындагы № 473 токтому менен жөнгө салынат.

Кыймылсыз мүлктү (имараттар, курулуштар, ички жасалга, инженердик тармактар), кыймылдуу мүлктү (жабдуулар, техника, инвентарь, товар запастары), ошондой эле мүлктүк комплекстерди. Камсыздандыруу суммасы объекттин чыныгы наркынан ашпашы керек.

Базалык тариф — камсыздандыруу суммасынын жылына 0,12 %дан 3,5 %га чейин, минималдуу сыйакы — 2 500 сомдон. Акыркы ставка объекттин түрүнө, курулуш материалдарына жана коргоо системаларына жараша болот.

ОСАГО — үчүнчү жактардын алдындагы жоопкерчиликти милдеттүү камсыздандыруу. КАСКО — унаанын өзүн ыктыярдуу камсыздандыруу: ал унааңыздын бузулушун, жок болушун жана уурдалышын жабат.

Унаанын жана анын түйүндөрүнүн бузулушу же жок болушу, уурдалышы, «Зыян» тобокелдиги тандалганда товардык наркынын жоголушу, ошондой эле кошумча жабдуулардын бузулушу — ЖКО, өрт, табигый кырсыктар, буюмдардын кулашы, жаныбарлардын жана үчүнчү жактардын мыйзамсыз аракеттеринен.

Толук КАСКО жеке эсептелет: жеңил унаалар үчүн базалык тариф — камсыздандыруу суммасынын 1,5–5,0 %, стандарттык программа — 15 000 сомдон. КАСКО-Эконом 7 000 сомдон, КАСКО-Extra 1 680 сомдон башталат. Сыйакыга 2 % САС колдонулат.

Толук КАСКО — унаанын наркы боюнча жеке эсептөө жана тобокелдиктерди кеңири тандоо. КАСКО-Эконом — белгиленген пакеттер: S — 200 000 сом лимитинде 7 000 сом, M — 250 000 сом лимитинде 8 750 сом, L — 300 000 сом лимитинде 10 500 сом. КАСКО-Extra — 1 680 сомдон башталган жөнөкөй программа: күнөөңүз менен болгон ЖКОдо унааңызга келген зыянды жабат.

Франшиза — зыяндын ордуна толтурулбай турган бөлүгү. ГСОнун КАСКОсунда ал «Зыян» тобокелдиги боюнча камсыздандыруу суммасынын 1,0–5,0 %, толук жок болууда, уурдалууда жана айнектердин бузулушунда — 10 % түзөт.

Камсыздандыруучунун паспорту, унаанын техпаспорту, айдоого уруксат берилген айдоочулардын күбөлүктөрү, диагностикалык карта (бар болсо) жана унаа күрөөдө болсо, күрөө кармоочунун маалыматтары. Келишим түзүлөрдөн мурун унаа кароодон өткөрүлөт.

Сертификаттагы QR-кодду сканерлеңиз же анын номерин «Сертификатты текшерүү» баракчасына киргизиңиз.

ГСО — Кыргыз Республикасынын Мамлекеттик камсыздандыруу уюму. Иш каржы рыногун жөнгө салуу жана көзөмөлдөө боюнча мамлекеттик кызматтын лицензияларынын негизинде жүргүзүлөт; расмий лицензиялар «Компания жөнүндө» бөлүмүндө жарыяланган.

Башкы кеңсе — Бишкек ш., Ч. Айтматов проспекти 1, 2-курулуш. Филиалдар Бишкекте, Чүй облусунда, Ошто, Жалал-Абадда, Караколдо, Нарында, Таласта жана Баткенде иштейт. Даректер жана телефондор «Филиалдар жана сатуу түйүндөрү» бөлүмүндө.

Ишеним телефону — 61-00-00 (Кыргызстанда мобилдик телефондон акысыз), чет өлкөдөн +996 312 61-00-00. Электрондук почта — info@gso.kg. Иш убактысы: дүйшөмбү–жума 09:00дөн 18:00гө чейин, ишемби жана жекшемби — дем алыш.

Сайттагы кайра байланыш формасын толтуруңуз, info@gso.kg дарегине жазыңыз же 61-00-00 номерине чалыңыз. Полистин номерин жана маселенин маңызын көрсөтүңүз — кайрылуу катталып, адис сиз менен байланышат.

ГСОнун продукттарынын ичинен ОСАГО — унаа ээлеринин жоопкерчилигин камсыздандыруу — жана турак жайды өрттөн, табигый кырсыктардан камсыздандыруу милдеттүү. Калган продукттар (КАСКО, ДМС, мүлк жана саякат камсыздандыруу) ыктыярдуу.

Продукт баракчаларында калькуляторлор бар: параметрлерди — унаанын түрүн, аймакты, мөөнөттү же камсыздандыруу суммасын — көрсөтсөңүз, болжолдуу наркты көрөсүз. Так эсептөөнү тариздөөдө адис ырастайт.

Өнөктөш клиникаларда амбулатордук жана стационардык тейлөө: адистердин консультациялары, диагностика, стационардагы дарылоо жана шашылыш жардам. Кызматтардын тизмеси тандалган программа менен аныкталат.

Стандарттык тариф — 12 000 сомдон, сыйакыга 2 % САС колдонулат. Акыркы наркы программага, камсыздандырылгандардын санына жана клиникалардын тизмесине жараша болот.

Паспорт жана ден соолуктун абалы жөнүндө толтурулган анкета. Корпоративдик келишимдер үчүн кошумча кызматкерлердин тизмеси берилет.

Тейлөө ГСОнун өнөктөш клиникаларында жүргүзүлөт. Өнөктөштөрдүн актуалдуу тизмеси келишимде бекитилет жана тариздөөдө берилет — аны 61-00-00 номери боюнча тактоого болот.

Ооба, ГСО жамааттар үчүн корпоративдик ДМС программаларын тариздейт. Шарттар, клиникалардын тизмеси жана наркы жеке эсептелет — суроо-талапты info@gso.kg дарегине жөнөтүңүз же 61-00-00 номерине чалыңыз.

Камтылбаган учурлардын тизмеси камсыздандыруу эрежелеринде жана келишимде белгиленет: адатта, бул тандалган программадан жана өнөктөш клиникалардан тышкаркы кызматтар. Толук тизмени адистен тактаңыз.

ВЗР — чет өлкөгө сапар учурундагы камсыздандыруу. Полис чет өлкөдө медициналык жана шашылыш жардамга кеткен чыгымдарды жабат жана көбүнчө виза алууда талап кылынат. BRONZE, SILVER жана GOLD программалары бар.

Тандоо үчүн 15 000 же 30 000 АКШ доллары лимиттери бар. Камсыздандыруу тариздөөдө көрсөтүлгөн өлкөлөрдө жарактуу: Азия, КМШ, Африка, Океания жана Австралия, Шенген жана Европа өлкөлөрү, Түндүк жана Түштүк Америка.

Наркы 350 сомдон башталат жана программага, лимитке, сапардын мөөнөтүнө жана өлкөлөрдүн тизмесине жараша болот. Сыйакы Улуттук банктын курсу боюнча сомго эсептелет, ага 2 % САС кошулат.

Ооба, тариздөөдө Шенген жана Европа өлкөлөрү үчүн камсыздандырууну тандоого болот. Сапар жасай турган бардык өлкөлөрдү көрсөтүп, талап кылынган лимитти консулдуктун талаптары менен салыштырыңыз.

Ар бир камсыздандырылуучунун чет өлкөлүк паспорту, чыгуу жана кайтуу даталары, ошондой эле сапар жасала турган өлкөлөрдүн тизмеси. Полис онлайн же ГСОнун филиалында таризделет.

Клиникага кайрылардан мурун полисте көрсөтүлгөн сервистик компанияга (ассистанс) чалыңыз — ал дарылоону макулдашат. Бардык медициналык документтерди жана чектерди сактап, келишимде көрсөтүлгөн мөөнөттө ГСОго кабарлаңыз.

Ооба, бул — GSO NOMAD BRONZE программасы: Кыргыз Республикасына келген туристтер үчүн кырсыктан камсыздандыруу, лимити 50 000ден 750 000 сомго чейин. «Туристтерди камсыздандыруу» баракчасында онлайн тариздөөгө болот.

Окуя болгондон кийин 3 жумуш күнүнүн ичинде ГСОго кабарлаңыз — 61-00-00 номери боюнча же «Камсыздандыруу окуясы» баракчасындагы форма аркылуу. ЖКОдо адегенде ЖККБББны чакырыңыз.

«Камсыздандыруу окуясы» баракчасындагы форманы толтуруңуз — полистин номерин, окуянын датасын, аты-жөнүңүздү, телефонуңузду, e-mail жана жагдайларды көрсөтүңүз. Андан кийин адис сиз менен байланышат. Каалаган филиалга кайрылууга же 61-00-00 номерине чалууга болот.

Токтоп, авариялык сигнализацияны күйгүзүңүз, ЖККБББны жана зарыл болсо тез жардамды чакырыңыз, окуя болгон жерди жана бузулууларды сүрөткө тартыңыз, андан соң «Камсыздандыруу окуясы» баракчасында арыз калтырып, адистин чалуусун күтүңүз.

Негизги топтом: арыз, полис, алуучунун паспорту жана окуяны, зыяндын өлчөмүн ырастаган документтер (ыйгарым укуктуу органдардын маалымкаттары, медициналык документтер, эсептер жана чектер). Так тизме камсыздандыруунун түрүнө жараша болот жана арыз катталгандан кийин адис аны айтып берет.

Кароо мөөнөтү документтердин толук топтому берилген учурдан баштап эсептелет жана камсыздандыруу келишими менен КРдин мыйзамдарында белгиленет. Ишиңиздин абалын 61-00-00 номери боюнча же бекитилген адистен билсеңиз болот.

Негизги себептер — окуя камсыздандырылган тобокелдиктерге кирбейт, камсыздандыруучу белгиленген мөөнөттө ГСОго кабарлаган эмес, анык эмес маалымат берилген же зыян франшизадан ашкан эмес. Толук тизме камсыздандыруу эрежелеринде жана келишимде көрсөтүлгөн.

61-00-00 номерине чалыңыз же info@gso.kg дарегине жазып, полистин номерин жана кайрылуу датасын көрсөтүңүз. Абалды арыз берилген филиалдан да тактоого болот.

Төлөмдү жабыркаган тарап алат — өмүрүнө, ден соолугуна же мүлкүнө зыян келтирилген адам. ЖКОнун күнөөкөрү ОСАГО боюнча өз унаасы үчүн төлөм албайт: ал үчүн КАСКО же КАСКО-Extra керек.

Адегенде адамдардын коопсуздугун камсыз кылып, шашылыш кызматтарды чакырыңыз, бузулууларды сүрөткө тартыңыз, ыйгарым укуктуу органдын (КӨКМ, жергиликтүү өз алдынча башкаруу) маалымкатын алыңыз жана 3 жумуш күнүнүн ичинде 61-00-00 номери же «Камсыздандыруу окуясы» формасы аркылуу ГСОго кабарлаңыз.

Ооба. Продукт баракчасында «Онлайн тариздөө» баскычын басыңыз — online.gso.kg порталына өтөсүз, ал жерде маалыматтарды толтуруп, электрондук идентификациядан өтүп, документтерге кол коюп, сыйакыны төлөйсүз. Тариздөө 10–15 мүнөт, полис электрондук түрдө келет.

Төлөөгө болот: тариздөө учурунда online.gso.kg порталында онлайн, филиалда накталай же карта менен, юридикалык жактар үчүн — коюлган эсеп боюнча. Жеткиликтүү жолдор төлөө этабында көрсөтүлөт.

Электрондук полис төлөгөндөн кийин келет жана online.gso.kg сайтындагы жеке кабинетте жеткиликтүү — кирүү КР жаранынын паспорту же телефон номери боюнча. Документ жоголсо, дубликат каалаган филиалда же 61-00-00 номерине чалганда берилет.

Булуттук электрондук кол тамга (БЭКТ) — бул колдун электрондук форматтагы аналогу, ал ээси жөнүндө зарыл маалыматтары бар санариптик белгилерди камтыйт. БЭКТ квалификациялуу электрондук кол тамга болуп саналат жана төмөнкү белгилерге жооп берет: • маалыматты кол тамга ачкычын колдонуу менен криптографиялык өзгөртүүнүн натыйжасында алынган; • электрондук документке кол койгон адамды так аныктоого мүмкүндүк берет; • электрондук документке кол койгон адам өз контролунда сактай алган электрондук кол тамга каражаттары менен түзүлөт; • электрондук кол тамганы текшерүү ачкычы квалификациялуу сертификатта көрсөтүлгөн; • кол тамганы түзүү жана текшерүү үчүн Санариптик кодекске ылайык белгиленген талаптарга шайкештиги ырасталган электрондук кол тамга каражаттары колдонулат.

Ал кагаздагы колду алмаштырат. Тартиби мындай: маалыматтарды толтурасыз, электрондук идентификациядан өтөсүз, келишимге жана арызга булуттук электрондук кол тамга коесуз, сыйакыны төлөп, полисти электрондук түрдө аласыз.

Ооба. Булуттук электрондук кол тамга квалификациялуу электрондук кол тамгага кирет, ал эми аны менен кол коюлган документ Кыргыз Республикасынын Санариптик кодексине ылайык кагаз түрүндөгү документке теңештирилет.

online.gso.kg сайтындагы жеке кабинетке ЕСИА аркылуу же телефон номери боюнча кириңиз — система инсандыгыңызды ырастайт. Маалыматтар текшерилгенден кийин документтерге кол коюуну номериңизге келген код менен ырастаңыз.

Маалыматтар паспорттогудай так киргизилгенин жана телефон номери сиздин атыңызга катталганын текшерип, кодду кайра сураңыз. Көйгөй чечилбесе, 61-00-00 номерине чалыңыз же жакынкы филиалга кайрылыңыз — полисти адис аркылуу тариздешет.

Адегенде online.gso.kg сайтындагы жеке кабинетти жана почтаңыздагы «Спам» папкасын текшериңиз. Полис жок болсо, 61-00-00 номерине чалыңыз же info@gso.kg дарегине төлөмдүн датасын жана суммасын көрсөтүп жазыңыз — кайрылуу текшерилип, документ кайра жөнөтүлөт.

«Өнөктөштөргө жана агенттерге» бөлүмүндө арыз калтырыңыз же 61-00-00 номери, info@gso.kg дареги аркылуу байланышыңыз. Адис кызматташуунун шарттарын, окутууну жана келишим түзүү тартибин түшүндүрөт.

Уюмдар үчүн корпоративдик ДМС программалары, мүлктү жана автопаркты камсыздандыруу, ошондой эле жоопкерчиликти жана жүктөрдү камсыздандыруу бар. Шарттар менен тарифтер жеке эсептелет — info@gso.kg дарегине жазыңыз же +996 (312) 61-00-01 номерине чалыңыз.

info@gso.kg дарегине кызматкерлердин тизмесин, каалаган программаны жана клиникалардын тизмесин жөнөтүңүз — адис эсептөөнү жана келишимдин долбоорун даярдайт. Төлөм эсеп боюнча жүргүзүлүп, полистер иш берүүчүгө берилет.